polski esperanto

Radioamatora „73” el Bjalistoko

„73” en la radiomatora slango signifas: „Bonkorajn salutojn”. Oni sendos ilin el Bialistoko per Morso-kodo aŭ per vortoj en ĉiu lingvo. Ĉio ĉi pro radioamatoroj, posedantoj de amatoraj mallongondaj radiosendiloj.

Ĝis la 94-a Universala Kongreso de Esperanto en 2009 en Bjalistoko restis ankoraŭ iom da tempo, sed bialistokaj esperantistoj kune kun lokaj radioamatoroj preparis specialan diplomon – Bjalistoko – Urbo de Universala Kongreso de Esperanto 2009.  Ŝancojn por ricevi ĝin havas radioamatoroj el la tuta mondo, kiuj de 30 marto 2008 ĝis 25 julio 2009 havos mallongondan radiokontakton kun bialistokaj radioamatoroj.  Posedantoj de la diplomo ricevos ankaŭ specialajn atestilojn, rajtigontaj al 10% bonifiko por tranoktoj en ĉiu tago de semajno de 30 marto 2008 ĝis 31 decembro 2009 en la hotelo Best Western Hotel Cristal - www.cristal.com.pl. Ĉiuj radiokontaktoj estos konfirmitaj per porokazaj konfirmokartoj.


 


Jam baldaŭ en la radioetero aŭdiĝos pole, angle, germane kaj en Esperanto ĝenerala alvoko al ĉiuj amatoraj radiostacioj en la mondo kaj invito por interparoli kaj viziti la naskiĝurbon de la kreinto de Esperanto – Ludoviko Zamenhof.


 


Kondiĉoj por gajni la diplomon kaj aliaj informoj pri la kampanjo Bjalistoko – Urbo de Universala Kongreso de Esperanto 2009 estos troveblaj interalie sur la retpaĝoj: www.hamradio.biaman.pl, http://miasta.gazeta.pl/bialystok, www.espero.bialystok.pl,   www.sp4mph.suw.pl/award.html.


 


 



vidu ankaŭ: